ಮಾನ್ಯ ಜ್ಞಾನೋದಯ ಶಾಲೆಯ ಹಳೆವಿದ್ಯಾರ್ಥಿ ವಾಟ್ಸಪ್ ಗ್ರೂಪಿನಿಂದ ಮಕ್ಕಳ ಆನ್ ಲೈನ್ ತರಗತಿಗೆ ನೆರವು

ಮಾನ್ಯ ಜ್ಞಾನೋದಯ ಶಾಲೆಯ ಹಳೆವಿದ್ಯಾರ್ಥಿ ವಾಟ್ಸಪ್ ಗ್ರೂಪಿನಿಂದ ಮಕ್ಕಳ ಆನ್ ಲೈನ್ ತರಗತಿಗೆ ನೆರವು

ಮಾನ್ಯ ಜೂನ್ 18 - ಹಳೆ ವಿದ್ಯಾರ್ಥಿ ಜೀವನದ ನೆನಪುಗಳನ್ನು ಮೆಲುಕುಹಾಕಲು ಹುಟ್ಟಿಕೊಂಡ ಜ್ಞಾನೋದಯ ಶಾಲೆಯ ಹಳೆವಿದ್ಯಾರ್ಥಿ ಗಳ ವಾಟ್ಸಪ್ಪ್  ಗುಂಪೊಂದು ಪ್ರಸ್ತುತ ಪರಿಸ್ಥಿತಿಯಲ್ಲಿ ಆನ್ಲೈನ್ ಕಲಿಕೆಗೆ ಸಂಪನ್ಮೂಲದ ಕೊರತೆಯಿಂದಾಗಿ ವಂಚಿತರಾಗಲಿದ್ದ 11 ಮಕ್ಕಳ ಕಲಿಕೆಗೆ ನೆರವಾಗಿದ್ದಾರೆ .

ಮಾನ್ಯ ಜ್ಞಾನೋದಯ ಶಾಲೆಯ ಹಳೆ ವಿದ್ಯಾರ್ಥಿ ಗಳ ವಾಟ್ಸಪ್ಪ್ ಗುಂಪಾದ " ಕನ್ನಡ ಶಾಲೆಯ ಮಕ್ಕಳು " ಈ ಮಾದರಿ ನೆರವನ್ನು ನೀಡಿ ಊರವರ , ಪೋಷಕರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ . 11 ಮಕ್ಕಳು ಆನ್ಲೈನ್ ಕಲಿಕೆಗಾಗಿ ಮೊಬೈಲ್ ಹೊಂದಿಸಲು ಪ್ರಯತ್ನಿಸುವುದನ್ನು ತಿಳಿದ ಈ ವಾಟ್ಸಪ್ಪ್ ಗುಂಪು ಕೇವಲ 2 ದಿನದ ಅವಧಿಯಲ್ಲಿ 11  ಮೊಬೈಲುಗಳಿಗೆ  ಬೇಕಾದ ಮೊತ್ತವನ್ನು ಸಂಗ್ರಹಿಸಿ , ಸ್ಪರ್ಧಾತ್ಮಕ ಬೆಲೆಗೆ ಉತ್ತಮ ಗುಣಮಟ್ಟದ ಮೊಬೈಲುಗಳನ್ನು ಖರೀದಿಸಿ ಇಂದು ನಡೆದ ಸರಳ ಸಮಾರಂಭದಲ್ಲಿ ಶಾಲಾ ಮುಖ್ಯೋಪಾಧ್ಯಾರಾದ ಶ್ರೀ ಸುರೇಂದ್ರನ್ ಮಾಸ್ತರಿಗೆ ಹಸ್ತಾಂತರಿಸಿದರು.

ಗುಂಪಿನ ಪ್ರತಿನಿಧಿಗಳಾಗಿ ಶ್ರೀ ಕೆ ರಾಮ ಕಾರ್ಮಾರ್, ಶ್ರೀಮತಿ ಆಶಾ ಟೀಚರ್, ಶ್ರೀ ಸಂತೋಷ್ ಕುಮಾರ್ ಯಸ್ , ಶ್ರೀ ನಿತ್ಯಾನಂದ ಎಂ ಆರ್ , ಶ್ರೀ ಶ್ಯಾಂಪ್ರಸಾದ್ ಮಾನ್ಯ , ಶ್ರೀ ವಿಜಯಕುಮಾರ್ ಮಾನ್ಯ ಉಪಸ್ಥಿತರಿದ್ದರು. ಬಳಿಕ ನಡೆದ ವಿತರಣಾ ಸಮಾರಂಭದಲ್ಲಿ ಮಾತನಾಡಿದ ಅತಿಥಿಗಳು ಆನ್ಲೈನ್ ಕಲಿಕೆಯ ಮಹತ್ವ ಹಾಗೂ ಮೊಬೈಲ್ ಬಳಕೆಯ ಪ್ರಾಮುಖ್ಯತೆ ಗಳ ಬಗ್ಗೆ ಫಲಾನುಭವಿ ಮಕ್ಕಳ ಪೋಷಕರಿಗೆ ವಿವರಿಸಿದರು.