ಕಾರಡ್ಕ ಶಾಲೆ ಆನ್‌ಲೈನ್ ಪ್ರವೇಶೋತ್ಸವ ಸಮಾರಂಭ

  ಕಾರಡ್ಕ ಶಾಲೆ  ಆನ್‌ಲೈನ್ ಪ್ರವೇಶೋತ್ಸವ ಸಮಾರಂಭ

ಜಿವಿಹೆಚ್ಎಸ್ಎಸ್ ಕಾರಡ್ಕ ಶಾಲೆಯ 2021 - 22 ಶೈಕ್ಷಣಿಕ ವರ್ಷಕ್ಕೆ ಪ್ರವೇಶೋತ್ಸವ ಸಮಾರಂಭವನ್ನು ಗೂಗಲ್ ಮೀಟ್ ಮೂಲಕ  ನಡೆಸಲಾಯಿತು. ಸಭೆಯು ಸಮಾಜಶಾಸ್ತ್ರ ಶಿಕ್ಷಕ ಸತೀಶನ್ ಬಿ ಅವರ ಪ್ರಾರ್ಥನಾ ಹಾಡಿನೊಂದಿಗೆ ಪ್ರಾರಂಭವಾಯಿತು. ಪಿಟಿಎ ಅಧ್ಯಕ್ಷ ಮೋಹನನ್ ಕಾರಡ್ಕ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಕಾರಡ್ಕಬ್ಲಾಕ್ ಪಂಚಾಯತ್ ಅಧ್ಯಕ್ಷ ಸಿಜಿ ಮ್ಯಾಥ್ಯೂ ಪ್ರವೇಶ ಸಮಾರಂಭವನ್ನು ಉದ್ಘಾಟಿಸಿದರು.

ಪಂಚಾಯತ್ ಅಧ್ಯಕ್ಷ, ವಕೀಲ ಗೋಪಾಲಕೃಷ್ಣ ಭಟ್ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಶಾಲೆಗೆ ಹೊಸದಾಗಿ ಪ್ರವೇಶ ಪಡೆದ ವಿದ್ಯಾರ್ಥಿಗಳು ಪ್ರವೇಶ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಶಾಲಾ ಮಟ್ಟಪ್ರವೇಶ ಸಮಾರಂಭದ ನಂತರ ಒಂದರಿಂದ ಹತ್ತನೇ ತರಗತಿಗಳಲ್ಲಿನ ಮಕ್ಕಳಿಗೆ ತರಗತಿ ಪ್ರವೇಶ ಸಮಾರಂಭವನ್ನು ಆಯೋಜಿಸಲಾಗಿತ್ತು.

ಪ್ರವೇಶೋತ್ಸವ ಸಮಾರಂಭದ ನೆನಪಿಗಾಗಿ ಮಕ್ಕಳು ತಮ್ಮ ಮನೆಗಳಲ್ಲಿ ಕಾಡು ಮಾವಿನ ಗಿಡ ನೆಟ್ಟು, ಸಿಹಿತಿಂಡಿಗಳನ್ನು ವಿತರಿಸುವ ಮೂಲಕ  ಮನೆಯ ಉತ್ಸವವನ್ನಾಗಿ ಮಾಡಿದರು. ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯತ್ ಸದಸ್ಯ ಪಿ.ಬಿ.ಶಫೀಕ್ ಕಾರಡ್ಕ, ಗ್ರಾಮ ಪಂಚಾಯತ್ ಸದಸ್ಯರಾದ ಪ್ರಜೀಜಾ ಎ ರೂಪಾ ಸತ್ಯನ್, ಪ್ರಾಂಶುಪಾಲ ಮೀರಾ ಜೋಸ್, ಹಿರಿಯ ಶಿಕ್ಷಕಿ ಚಂದ್ರಿಕಾ ಎಂ, ಎಸ್‌ಎಂಸಿ ಚೇರ್ಮನ್ ತಂಪನ್ ಕೆ ವಿದ್ಯಾರ್ಥಿಗಳಿಗೆ ಶುಭ ಹಾರೈಸಿದರು. ಶಾಲಾ ಮುಖ್ಯೋಪಾಧ್ಯಾಯ ಕರುಣಾಕರ ಎಂ ಅವರು ಸ್ವಾಗತಿಸಿದರು.

ಸ್ಟಾಫ್ ಸೆಕ್ರೆಟರಿ ಕುಞಂಬು ಅವರು ಧನ್ಯವಾದ ಅರ್ಪಿಸಿದರು.