ಮಧೂರು ಗ್ರಾಮಪಂಚಾಯತ್ ನಲ್ಲಿ ಚುರುಕುಗೊಂಡ ಕೋವಿಡ್ ತಪಾಸಣೆ: 60 ಮಂದಿಗೆ ಪಿ.ಸಿ.ಆರ್ ಟೆಸ್ಟ್

 ಮಧೂರು ಗ್ರಾಮಪಂಚಾಯತ್ ನಲ್ಲಿ ಚುರುಕುಗೊಂಡ ಕೋವಿಡ್ ತಪಾಸಣೆ: 60 ಮಂದಿಗೆ ಪಿ.ಸಿ.ಆರ್ ಟೆಸ್ಟ್

 

ಕಾಸರಗೋಡು, ಆ.11 : ಕಾಸರಗೋಡು ಜಿಲ್ಲೆಯಲ್ಲಿ ಕೋವಿಡ್ ರೋಗಿಗಳ ಸಂಖ್ಯೆ ಅಧಿಕವಾಗಿರುವ ಪ್ರದೇಶಗಳಲ್ಲಿ ಒಂದಾಗಿರುವ ಮಧೂರು ಗ್ರಾಮಪಂಚಾಯತ್ ನಲ್ಲಿ ರೋಗ ತಪಾಸಣೆ ಪ್ರಕ್ರಿಯೆಗಳನ್ನು ಚುರುಕುಗೊಳಿಸಲಾಗಿದೆ. 60 ಮಂದಿ ಪ್ರಾಥಮಿಕ ಸಂಪರ್ಕಕ್ಕೊಳಗಾಗಿರುವ ಮಂದಿಯ ಪಿ.ಸಿ.ಆರ್. ತಪಾಸಣೆ ಈ ಸಂಬಂಧ ಮಂಗಳವಾರ ನಡೆಸಲಾಯಿತು.

                               ಮಧೂರು ಪ್ರಾಥಮಿಕ ಆರೋಗ್ಯ ಕೇಂದ್ರದ ವತಿಯಿಂದ ಈ ತಪಾಸಣೆ ಶಿಬಿರ ನಡೆಯಿತು. ಈ ಮೂಲಕ ಪ್ರಾಥಮಿಕ ಸಂಪರ್ಕಕ್ಕೊಳಗಾಗಿದ್ದ ಎಲ್ಲರನ್ನೂ ತಪಾಸಣೆಗೊಳಪಡಿಸಲಾಗಿದೆ. ಇಲ್ಲಿ ರೋಗ ಪ್ರತಿರೋಧ ಚಟವಟಕೆಗಳೂ ಚುರುಕಿನಿಂದ ನಡೆಯುತ್ತಿವೆ. 

                             ಮಧೂರು ಗ್ರಾಮಪಂಚಾಯತ್ ವ್ಯಾಪ್ತಿಯಲ್ಲಿ ಈಗ 16 ಮಂದಿ ಕೋವಿಡ್ ಪಾಸಿಟಿವ್ ಆದವರಿದ್ದಾರೆ. ಈ ವರೆಗೆ ಒಟ್ಟು 116 ಮಂದಿಗೆ ಕೋವಿಡ್ ಪಾಸಿಟಿವ್ ಆಗಿದೆ. 2,3,6,7,8,9,10,11,12, 13,14,16,18,19 ನೇ ವಾರ್ಡ್ ಗಳು ಕಂಟೈ ನ್ಮೆಂಟ್ ಝೋನ್ ಗಳಾಗಿವೆ.

 P-5                            ಶಿಬಿರದಲ್ಲಿ ಡಾ.ಸಿದ್ಧಾರ್ಥ್, ಕುಂಬಳೆ ಬ್ಲೋಕ್ ಪಂಚಾಯತ್ ಆರೋಗ್ಯ ಮೇಲ್ವಿಚಾರಕ ಬಿ.ಅಶ್ರಫ್, ಕಿರಿಯ ಆರೋಗ್ಯ ಇನ್ಸ್ ಪೆಕ್ಟರರಾದ ಅರುಣ್ ಕುಮಾರ್, ಗೋಪಾಲಕೃಷ್ಣನ್, ಕಿರಿಯ ಸಾರ್ವಜನಿಕ ಆರೋಗ್ಯ ದಾದಿಯರಾದ ಶೋಭಾ, ಅಂಬಿಳಿ, ಮಾಯಾ, ರುಕ್ಮಾವತಿ, ಸಹಾಯಕ ದಾದಿ ವೇದಾವತಿ ಮೊದಲದವರು ನೇತೃತ್ವ ವಹಿಸಿದ್ದರು.

 

ಫೊಟೋ ಶೀರ್ಷಿಕೆ: ಮಧೂರು: ಮಧೂರಿನಲ್ಲಿ ಮಂಗಳವಾರ ನಡೆದ ಕೋವಿಡ್ ಪಿ.ಸಿ.ಆರ್. ತಪಾಸಣೆ.